Full text: De Schatzgräwer un sien Kind

— 144 
in mienen Lewen to vergeten, tom al ünner frömde Minschen, 
wur Keener sick um mien' Angelegenheiten kümmert un nah 
mien' Vergangenheit fröggt." 
„Marie," stähnte Fritz un wull sick uprichten, äwer dat 
Mäken, dat äwer de Bitterkeit in sien' Würd sülwen er 
schrecken ded, höl em an de Schüller fast un säd mit 
bäwrige Stimm: „Wist Du mi noch een' Lew erwisen, 
Fritz, so bliw hier un bliw mienen Vadding 'n goden 
Fründ. — Ick ward gähn — ball" — 
De letzten Würd erstickten in 'n Thranenstrom un se 
sackte up den Stohl neben Fritz, dat Stine, de mit 'n 
Glas Water in de Hand, achter ehr de Reden starr mit 
anhürt har, tospringen müßt, üm se vör 't Fallen to 
bewahren. Ok de oll' Hagen, de dörch dat Finster nah de 
Stiern sehn un mit Verwunnerung nah de snurrigen un 
unbegriplichen Reden von sien Kind henhorkt har, dreihte 
sick snubbs üm un makte 'n Schritt up Marie to. 
Fritz har sick nu doch in de Höcht richt't un Marie 
ehr' Hannen fat't. An sien' Ogen blänkerten ok 'n poor 
Truppen. Langsam bröcht he in klagenden Ton herut: 
„O, Marie, wur heft Du mi doch falsch verstahn! Rich 
verschmäht heww ick Dien' Lew. Man verschmäht doch 
man, wat Eenen nich god nog is orer wat man nich brukt. 
Re, Dien' Lew is jo mien bestes God up de Welt, Marie 
un dat ick de as Kräpel nich länger annehmen darw, dat 
is jo mien gröttst' Smerz, vör den alle körperlichen Smerzen 
swigen." — 
„Un wurüm darwst Du denn mien' Lew nich länger 
annehmen?" ünnerbrök se em un wischte de Thränen af. 
„Heww ick mi denn Di man für de glücklichen un gesunden 
Dag anverlawt un nich ok för de weniger goden? Wur 
denn, wenn wi nu all Mann un Fru west wiren un so 
'n Unglück wir denn äwer Di kamen? — Heft Du würklich 
ok man eenen Ogenblick glöwt, dat mien' Lew deswegen 
nahlaten orer uphüren künn, blot wil Du künftig langsamer
	        
Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.