141 — 
sien Toreden har Fritz sick sihr strüwt, dorbi mittowürken 
un man nahgewen, üm sien' Päth Lening nich to vertürn, 
de bi sien' grot' Lew to de Musik von sien' Mitwürkung 
sick grad 'ne Beterung von sienen düstern Gemöthstostand 
verspreken ded. 
Fritz har sick bett sitzt noch nich von sien' Afsicht, nah 
Amerika to gähn, afbringen laten, künn äwer für dat Jrste 
an Reisen nich denken, wil bi sien' Stimmung de vüllige 
Helung von sien' Wun'n noch gor nich aftosehn wir. 
„Ihre ick den Worin nich entdeckt un besidigt heww, de 
an sien' Hart srett, ihre kann ick sien Been nich wedder to 
Schick kriegen," säd de Dokter noch mit ludere Stimm un 
'n Blick up Marie un wull sick dünn wider nah vörn 
drängeln, Hagen hol em äwer noch mit de Frag torügg, ob 
Fritz denn tidlews an den Stock würd gähn möten. 
„Dar glöw ick nich," gew de Dokter to Antwurd. 
„Wenn de Wun'n irst richtig uthelt is, worden de Sehnen 
sick dörch Bäder woll ball so wid smidig maken laten, dat 
he den Stock bi Sid leggen kann. Blot up Danzen un 
Springen darw he sick nich wedder inlaten." 
He nickte fründlich un schön, sick in den Gang 'n poor 
Bänken wider nah vörn. 
Den letzten Deel von disse Ünnerhollung har Marie 
mit anhürt un 'n Hoffnungsstrahl wir in ehr Hart fallen. 
Kennte se doch den Worm, de an sien' Hart frei un sien' 
Helung verhinnern ded, sihr god. Billicht glückte ehr dat, 
em dorvon to befrien. 
De Badder seeg sien Kind von de Sid an un wull em 
wat seggen, he kein äwer nich dorto, denn de Klingel up de 
Bühn makte alle Ünnerhollung 'n En'n. 
Bon alle Gäst wiren keen' so unupmarksam, as Hagen 
un sien' Dochder un se wiren am lewsten wedder nah 
Hus gähn, wenn se nich befürcht'! Haren, Upsehn to maken. 
Se hürten von all' de schönen Musikvördräg wenig orer