- 140 - 
Utputz von den Saal in Ogenschin to nehmen. As äwer 
'n graten, jungen Mann lip 'n Stock stütt't, langsam up de 
Musikbühn tred un den Burmeister sien' lütt' Swefter ein 
mit de Wigelin in de Hand folgte, wennten sick alle Ogen 
vull Negier un Deelnahm nah den jungen Mann, 'n Ge 
flüster 'gung dörch den Saal, bett he sick up den verhögten 
Stohl sett't un Lening vor 't Klawier Platz nahmen har; 
dünn würd dat in den Saal ganz still. 
Marie wir bi sienen Anblick vor Schreck tosamen sohrt 
un har sick an den Arm von ehren Vadder anklammert, 
nich alleen, wil se em an dissen Urt seeg, wur se em nich 
vermoth't har, sönnern wegen sien Utsehn. De dunkel' Bort, 
de dat smal' Gesicht inrahmte, let dat väl bleeker erschienen, 
as dat in Würklichkeit wir un de trugen Ogen seegen ut de 
depen Höhlen mit so trurigen Jrnst, dat sick ehr Hart 
tosamen krampte. Wat wir ut ehren staatschen Fritz worden, 
wat müßt de laden hewwen! 
Un wildeß ut sien' Geig 'n Leed upsteg, eenfach un 
innig, een Klageleed, dat, ut 'n gequält' Hart kamen, in alle 
Harten Zugang sünn, würd se von Twiweln pinigt, ob se 
Fritzen, de woll man in sien' Gewissenhaftigkeit to wid gähn 
wir, in Gedanken nich Unrecht dahn har. Jitzt kem ehr 'ne 
Ahnung, dat grad sien' grote Lew to ehr em den Brew 
diktirt hewwen müßt. 
So ganz in Gedanken verlurn, würd se kum gewohr, 
dat Fritz mit Lening von de Musikbühn aftred un stats 'n 
grot Gelarm ein 'n bisällig Swigen för dat rührende Leed 
dankte. Jrst as de to spät kamen' Dokter sick ut de Achter- 
stuw dörchdrängelte un mit ehren Vadder 'ne Ünnerhollung 
anfüng, fohlte se to Höcht un gew up de Fragen von 
Bekannte Antwurd. 
Dat Gespräk tüschen Hagen un den Dokter dreihte sick 
üm Fritz un de Dokter vertellte, dat he den jungen Mann 
irst sörre een poor Dag erlauwt har, ut den Hus to gähn 
un an de Umringen to dat Kunzert Deel to nehmen. Trotz