- 127 -
Verlat, as up de ehr' swäcklich' Swester Stine, de sick de
Huswirthschaft annamen un ehr riklich' Lohn har.
Nah den Dokter sie,,' Menung wir de Krankheit de
Folg von de Geisterkomedi in de Johannsnacht un he
makte den Maler, den he von sien irst' Uptreden an
nich har verknusen künnt, für den Utgang von de Krankheit
verantwurdlich.
Sörre de Dokter dissen Utspruch dahn har, let Marie
ehr' Mudder, de ganz vergeten har, bat se in de Sak ok
nich frie von Schuld wir, ehren lewen Sähning Johannes
fallen un so sihr se anfangs noch sien' Partie namen un de
gode Afsicht bi sien' Komedi rutsträken har, so sihr wir se
nu gegen em upbröcht. Een Sündenbuck möt jo straft
warden, wenn 'ne Sak flicht aflöpt.
Von bissen Ümslag in de Stimmung har Johannes
keen' Ahnung, as he nah 'n harten Kampf mit sien' kränkt'
Jhrgeföhl an den Morgen nah de Host rutkem, üm sien'
Deelnahm to bewisen un sick bi sien' Bnndsgenossin nah bat
Besinnen von den Sworkranken, de in de Stadt all dod
seggt wir, to erkundigen. To den Schritt har em ok de
Hoffnung mit bewagen, dat disse Großmoth sihr hoch up-
namen un em bi Marie un ehr' Mudder, de oll' Toneigung
wenn se dörch dat letzt' Begewwniß läden hewwen'süll'
völlig wedder gewinnen würd. Üm so grötter wir daher
sien' Aewerraschung, as em up den Husflur Fru Hagen
entgegentred un, ahn sienen Gruß zu beachten, zurnig frog
wat he dor wull, ob he mit den Erfolg von sien' ruchlose
Komedi noch nich tofräden wir. Ihre he 'ne Antwurd up
de harte Anred funnen har, dreihte se em den Rüggen to
un slot de Stuwendör vör sien' Näs, so dat em nicks wider
äwrig blew, as ümtokihren un de Wuth äwer de smähliche
Behandlung up den Rüggweg uttotowen.
Dre lange, unendlich lange Dag un Rächt höl de
Dodsengel noch bi den Hus Wacht. Dünn flog he still
un tofräden dorvon. Oft ward he von de grote Lew,