- 109 - 
Schmolt, sien oll' Fründ Krischan Schmoll set dor in vulle 
Montur un slep un neben em leg sien unschüllig' Säwel. 
„De Has as Jäger,, 'n eenzig' Bild för ’n Künstler," 
flüsterte Johannes un kicherte. 
„Ward sick verküllen," mente de godmöthige Hagen un 
led em den Mantel, de neben em leg, vörsichtig äwer de 
Kne. De Sleper rügte sick nich, woll äwer dat Mitleed bi 
den ollen Schatzgräwer. „Willen em upmünnern," säd he 
un wull Schmollen bi den Arm säten. Aewer Johannes 
hol sienen Arm fast un rep halwlud: „Üm Gotteswillen 
nich, denn känen wi unverricht'ter Sak nah Hus gähn. De 
Feldscheed ward umstellt sien, üm uns den Togang to den 
Sloßbarg to verwehren. De Rackers hewwen de Strelitzer 
Poleßei hierher stellt, wil de ehr' Lüd jo am besten kennen, 
wur flau! Un an de Nigen-Strelitzer Weg warden se de 
heilig' Hermandad ut de Residenz henplant't hewwen. Up 
alle Fälle möten wi em unschädlich maken." 
Johannes nehm den Säwel up, tred achter den Bom 
un reckte sien lang' Liw nah Möglichkeit ut, üm den Säwel 
hoch an 'n Telg to hängen. As em dat gelungen wir, fot 
he Hagen ünner den Arm un mahnte: „Ru geschwind nah 
den Barg, Badding Hagen, dat is hier nich geheuer." So 
rasch, as de Beenen von den ollen Mann dat sarig bröchten, 
ilten se, ahn 'n Lud von sick to gewen, dörch den dicken 
Nebel, de tüschen de beiden Seen up de Wischen un den 
Acker leg, wider un kemen ahn' Anfechtung bi den Barg an. 
Kum Haren se 'n poor Schritt in dat Unnerholt rin dahn, 
dünn gung in de Richtung nah Nigen-Strelitz to 'n Gelarm 
los: „Hallo, hallo, holt't em," un Hundengebell, Schellwürd un 
'n Geschrei ut väle rüge Kehlen klüngen nah den Barg räwer. 
Ball let de Lärm äwer nah un treckte sick nah dat Dörp to. 
„Se hewwen Eenen krägen un bringen em in 't Prison," 
säd Johannes leis to Hagen, „un dat is günstig vor uns, 
denn nu warden se woll tofräden sien un uns in Ruh 
würken laten."