— 106 — 
Mit de Schatzgräwers ut Nigen-Strelitz gedacht Schmolt 
nich so glimplich to verfohren, wil he 'n groten Piek up alle 
Nigen - Strelitzer har. Vor Johren Haren se em dor mal 
'n bannigen Apen uphackt, 'ne Kläterbüss an sienen Zopp 
dünnen un mit dit musikalsche Jnsterment em bett an dat 
Strelitzer Dur leigt, wat he nich vergeten künn, wil von 
den Dag an sien' godmöthig' Jule in den Hus ehr' Hand 
baden har. 
„De will ick dat Fell lösen," säd Schmolt un de 
Schandor, de sick ut Dankborkeit sienen väl lichter worden' 
Mantel up de Schüller löd, stimmte em bi. 
Se müggten woll 'ne Vürtelstun'n Wegs in den Busch 
torüggleggt hewwen, as 'n halwwussen' Jung in 'n linnen' 
Kittel, de mit etzliche Proben von witt' un grön' Oelfarwen 
prächtig mermerirt wir, up densülwen Weg antogahn kem 
un 'n groten Schreck kreg, as he de beiden Poleßeilüd 
gewohr würd. Dat wir keen anner', as Kaling Hagen, de 
tokünftige Rafael de Drüdd, un de rök glik de Gefohr mit 
Hülp von sien' äwerwendlich'*) Näs. De Beiden sehn un in 
dat Gebüsch rinspringen wir eens bi em, äwer he beruhigte 
sick, as he se langsam wider gähn seeg. Wat nu dohn? 
Dat wir 'ne eklich' Rät für den sößteihnjöhrigen Burßen. 
Süll he ümkihren un sienen Lihrmeister warnen? 
Dormit verlür he 'ne Stun'n Tid un em wir inbläuht, 
sick nich uptohollen un Allens prat to maken. Dat künn 
jo ok licht geschehen, dat he de beiden Schatzgräwers all 
ünnerwegs androp un sien Großvadder dürwte jo nich er 
führen, dat he bi de Schatzgräweri ok mittowürken har. Un 
wat de grot' Packen enthüllen ded, den he bi sick har, dat 
dürwte sien Großvadder irst recht nich erführen, süß wir em 
'n schönen Hundslohn säker. He müßt also bi de Beiden 
vörbi un sienen Großvadder un den Meister äwerlaten, mit 
•) aufgestülpte.