- 105 — 
de as de Uhlen in den Düstern handwarken, 'n Vergnügen? 
Proste Mahlzeit!" 
„Ick dacht man an de schönen Krutzen*), de se uns atz 
Vorposten in Weisdin spandiren warben," smet de Schandor 
hen un makte dormit Schmoltes den Mund wätern. 
„Krutzen?" frog de un seeg em unglöwig von de Sid 
an. „Krutzen mit Maibotter, sähst Du? Dat künn mi 
schinen. Aewer is dat wohr, Thedur?" 
De Schandor nickköppte. „Ick heww so wat hürt un 
sinn dat man in de Ordnung, dat wi god plegt warben." 
„Ob dat ok woll stiern Aal giwwt?" frog Schmolt 
wider un lickmünd'te bi den Gedanken an dat Gericht, dat 
sien' Tung für dat schönnste up de Welt erklärt har. 
„In den langen See sünd nog Aals in un to Weisdin 
warden oft weck stier inkakt," wir de vörsichtig' Antwurd. 
Schmolt müßt nog. In den Busch ankamen, smet he 
sick ünner 'n schaddigen Bom up den Rasen un füng an 
sien' Taschen uttorümen. „Help mi man," bed he un langte 
den Schandoren 'n gadlich' Stück Schinken mit 'n Knust 
Brod hen. „Wo ward ick denn bi de Hitt dit noch länger 
mitsleppen, wenn wi to Abend Krutzen un suern Aal in 
Utsicht hemmen." 
De hungrig' Schandor stimmte em bi un et to Schmollen 
sien' Freud ümmer düller. De schöne Kähm**) ut den sien' 
dickbükig' Flasch ded 'n Aewrigs, de beiden brawen Poleßei- 
männer in 'ne recht behaglich' Stimmung to verfetten un 
in so 'n Verfat is jo de Minsch licht geneigt, Nahsicht un 
Gnad to öwen. In de Beiden rügte sick nu ok Mitleeden 
mit de Schatzgräwers, de nah Schmolten sien' Menuiig süß 
ganz orndliche Minschen wiren un se kemen dorhen äwereen, 
dat se den ollen Hagen un sienen angahnden Swiegersähn^ 
Johannes Kaiser, wenn de ok nah den Sloßbarg kamen 
füllen, 'n fründschaftlichen Wink gewen wullen, ümtokihren. 
-) Karauschen. **) Kümmel.