6 
quinquaginta septem hepatis abscessuum casibus tricies novies laesio canalis intestinalis 
inventa est. Andral et Louis in Europa septentrionali observationes instituerunt et 
in sedecim casibus octies ulcera canalis intestinalis invenerunt, in casibus a nobis 
collatis, e quibus quindecim in Europa observati sunt, sexies laesio incidisse narratur, 
in quatuor casibus non indicatur utrum inciderit annon, ergo in triginta uno casibus 
hepatis abscessuum certe decies quinquies canalis intestinalis laesio affuit. Praeterea 
Budd sex casus comparavit in quibus hepatis abscessus a carcinomate ventriculi et 
recti, operationibus herniarum, a prolapsu ani per vim reducto profecti sunt. Quam 
frequenter tarnen dysenteria incidat, ut abscessus nullus consequatur, eo intelligitur 
quod quum per annos 1846, 1847, 1848 Pragi disenteria grassaretur in tanta multitu- 
dine sectionum hominum dysenteria mortuorum ne unus quidem casus inventus est, 
in quo hepatis abscessus observaretur. 1 Secundum ea, quae a Cambais deCambray 2 
in Algeria observata sunt in viginti casibus dysenteriae unus cum hepatitide conjunctus 
invenitur. In singularibus casibus abscessus exitantur saccorum hydatidarum suppu- 
ratione; et a calculis biliaribus, qui ductus biliferos partim impeditos exhibent, hic 
processus pathologicus oriri potest, cujus generis duos casus Schuh, Cruveilhier unum 
observavit. Broussais causam abscessuum hepatis frequentissimum duodeni inflam- 
mationem sese invenisse professus est, quae opinio nunc quidem repudiata et omissa 
est. Abusus spirituosorum quoque, qui multis medicis liujus morbi causa fuisse visus 
est, ad hunc morbum tantum valere non dicendus est, sane sectionibus quidem id 
probatum non est. Quantum Indiae febres intermittentes et remittentes ad abscessum 
excitandum valeant, pro certo sciri nondum potest, sed non tarn frequenter causae 
morbi quam conjuncta symptomata esse videntur. Ii medici, qui in tropica regione 
observationes instituerunt coelum illius terrae fervidum saepissime causam morbi esse 
arbitrati sunt, sed utrum hae an aliae, quae obversantur terrae conditiones ad abscessus 
efficiendos valeant, dubium adhuc est. Illud tarnen certum est, hepatis morbos illic 
multo saepius occurere quam in nostris regionibus, ubi pulmonum morbi frequentiores 
sunt quam in tropica regione. Quanta sit morborum hepatis multitudo in illa regione, 
üs intelligitur, quae refert Geddes, qui in prima Madras legione, quae sexcentos no- 
naginta sex Europaeos continuit, a primo Julii 1828 ad mensem Januarium anni 1830 
usque nonaginta septem, a mense Januario 1830 ad Aprilem 1832 centum viginti tres 
aegrotantes hepate observavit. Quod si his prolatis conditionibus eo pervenisti ut 
plurimorum abscessuum causas indicare possis, tarnen magnus numerus casuum superest 
in quibus causas invenire nequaquam possis. Saepissime hepatis abscessus in viris 
accidit, sed ita ut alia esse inveniatur in Europa ratio, alia in tropica regione. Nam 
dum in tropica illa regione ratio ea est ut sexus virilis homines centum illo morbo 
afflicti sint si feminae tres, in septemtrionali Europa rem ita sese habere reperimus, 
1 Dr. Finger, Prager Vierteljahrschrift. 6. Jahrgang. 
3 Traite des maladies des pays chauds et specialement de 1’A.lgerie. Paris 1847.