©ÔÂ 340 L 
zustendig in End der vunbestendigen Exception, selbs bekennen 
vnd sagen, das der Bischoff zu Bremen ihr ordentlicher Rich- 
ter sey ,, dahin sie sich zu remittiren vormeinlich begern, das 
doch auch erdacht vnd nit wahr als sich oben nach der leng 
in der andern vrsachen, warum dise sach nit zu remittieren sey, 
sunder an disem feiserl. Cammergericht angenomen vnd erör- 
tert werden soll., klarlich erfindt, So bitt demnach Anwald 
Probstes, Dechans, Capittels vnd der Priesterschafft des Stiffts 
Hamburg vnd ihrer mitvorwandten, durch E. G. in recht zu 
erkennen, zu sprechen vnd zu erkleren, das diese sach aus ob- 
erzelten vnd andern vrsachen \an dis keiserl. Cammergericht er- 
wachsen gehörig, vnd gar nit zu remittiren- sey, sunder ange- 
nommen vnd die Jegenteil vff sein Summarien- Petition ant- 
wurten und litem darauf contestieren sollen, Bitt auch sunst 
zu erkennen, was vnd so vil seiner Partey zu gut erkandt 
sol oder mag werden, und so vil recht sein wird, vnd was 
Anwald hiedurch in specie ynd sunderlich nit vorantwurt 
oder abgelehnt hat, wil er als unnütze ploße erdichte rede vnd 
geschweß in der sachen nit gehörig noch dienstlich mit nicht 
gestan und durch gemeine einrede allenthalben widersprechen 
vnd abgetriben haben, E. G. richterlich ambt underteniglich 
anruffend, vorbeheltlich aller nottruft. 
Simeon Engelhert Doctor. 
Weiter von obgemelter Beklagten Anwalde ein Duplik- 
schrisft sambr etlichen Freiheiten vnd Confirmationsbrieffen, 
vnd von der Kleger wegen ein Triplikschrisfft inkommen, auch 
solchen der Parteien Handlungen nach mündliche fürtrage vnd 
rechtseze bescheen, darauf ein Beyurtheil des Inhalts ergan- 
gen: Wollte Doctor Simeon Engehart seinem gethanen be- 
rümen nach zu recht genug beweisen, das seine Parthey zuvor 
vnd eher sie an berürt vnser Cammergericht gezogen, bey dem 
Erzbischoff zu Bremen umb hilsf vnd recht angesucht- aber zu 
antwurt gefallen, das man ihnen in keinen weg verhelfen, 
vnd derhälb sie die Clerisey an jetzgedachtem unserm Cammer- 
gericht ansuchen möchten, Alles inhalts der obangezognen Tri- 
plikschrisfft, das solches gehört worden, vnd er thete das oder 
nit, erginge solches was recht were. Auch vf das gemelter 
Doctor Simeon Engelhart sich solcher beweissung beladen, ge- 
zeugnis und kundtschaft darumb fürgestelt vnd anhören lassen, 
die nachmals im Rechten vorsschlossen ingelegt „ auch repetiert, 
eröffent, darvon beiden Parthien abschriften mitgetheilt, wider 
dieselben schriftliche Inreden darzu auch andere brieffliche vor-