162 
Vita. 
Natus sum Christianus Hans Peter Petersen in vico St. luergensi iuxta 
Flenopolim urbem sito, qui nunc pars est ipsius urbis, a. d. V. non. Octobr. anno 
huius saec. LV patre Nis Collund, matre Anna e gente Lorck. Fidei addictus sum 
evangelicae. Postquam per complures annos scholas publicas frequentavi, annum 
decimum agens in gymnasium Flensburgense receptus atque litteris ibi instructus sum 
usque ad annum huius saec. LXXV rectoribus Liibkero, Sieferto, Muellero. 
Examine maturitatis superato primum Lipsiam me contuli, ut studiis philologicis operam 
darem, atque audivi per tria semestria viros doctissimos Arndt, Brockhaus, Curtius, 
Drobisch, Fricke, Hirzel, Lange, Overbeck, Pückert, Ritschl, nec non 
interfui exercitationibus proseminarii et seminarii philologici, quas turn moderabantur 
Curtius, Lange, Lipsius. — Deinde Berolinam commigravi et per unum semestre 
scholas adii virorum doctissimorum Droysen, Mommsen, N itzsch, Treu, Vahlen, 
Wattenbach, Zeller. Denique ad penates quasi redii vere anni h. s. LXXVII 
et Kiliae per quinque semestria interfui lectionibus virorum illustrissimorum Blass, 
Forchhammer, Hoeck, Luebbert, Schirren, Thaulow, Volquardsen, atque 
exercitationibus seminariorum philologici et historici. — Omnibus viris doctissimis, quos 
antea nominavi, optime de me meritis ex intimo animo gratias ago quam plurimas, 
imprimis autem praeceptori carissimo Eduardo Luebberto, qui studia mea egregia 
benignitate benevolentiaque adiuvit.