Full text: Schriften der Universität zu Kiel aus dem Jahre 1874 (Band XXI.)

18 
DE JURE REPRAESENTATIONIS. 
Quum modo probaverim, parentelari ordine masculos apud Germanos successisse, nunc mihi 
videndum est de jure repraesentationis, quo ille succedendi ordo in descendentium linea com- 
mutatus est. — 
Ex antiqui juris Germanici ilia regula, quae legibus barbarorum nobis tradita est, ut hcredes 
hereditatem non per stirpes, sed per capita dividant l ), cognoscitur, omnes gradu remotiores quamvis 
stirpium capita a propioribus exclusos esse. Itaque Germanis jus repraesentationis, ex quo proles 
filii ante patrem mortui in locum praemortui patris cum patruis in avi hereditatem succedit, anti- 
quitus erat ignotum *). Atque ne necessarium quidem hoc jus Germanis fuisse facile intelligas , si 
memineris, vinculum cognationis prioribus temporibus apud Germanos tarn sanctum artumque fuisse, 
ut fratrum praemortuorum filii a patruis loco propriorum filiorum haberentur, et in patrui domo ac 
familia tutelam victumque invenirent. Quem statum praecipue populi septentrionem versus habi- 
tantes, Franci, Saxones, Frisones, quibus nulla gens majorum mores sinceriores atque incorrup- 
tiores conservabat, prae se feruut. Itaque fere nullum apud eos vestigium hujus juris, quod apud 
Francos, quamvis a Childeberto rege institutum 3 ), tarnen nunquam ratum et immutabile habebatur; 
nam ex formulis apparet, secundum legem nepotes ex praemortuo filio cum patruis in avi here 
ditatem non successisse 4 ). Vel etiam usque ad Ottonis Magni imperatoris tempora dubium 
erat jureconsultis, utrum nepotes cum filiis avo succederent, necne, quamobrem Otto hanc rem 
per gladiatores discerni jussit. Vicit nepotum pars et inde per universam Germaniam jus reprae 
sentationis valebat 5 ). — 
Aliter apud eos populos res se habet, qui meridiem versus incolentes cum Romanis aliisque 
populis commixti erant. Quibus, ubi primum, pristino et sancto consanguinitatis vinculo relaxato, magis 
suis quisque rebus, quam familiae vel genti studuit, justum videbatur, nepotes, ne cogerentur consangui- 
neorum misericordia et gratia vitam inopem colere, in locum patris praemortui in hereditatem avi 
succedere 6 ). 
Hoc jus repraesentationis non e jure Romano exhaustum, ut quidam voluerunt 7 ), sed ex 
mala condicione et necessitate nepotum ipsa ortum esse ex eo imprimis apparet, quod jus descen- 
dentibus tantum concessum est, ut Childebertus in decretione citata ait: »De illos tarnen nepotes 
*) 1. Wisigoth IV, 2, 8 et io. 1. Sal. (Merk) Novell. i68. 
2 ) cfr. Pardessus 1. c. p. 699. Walter. Deutsche Reichs und Rechtsgesch. 1853. § 540. Trümmer. 1. c. II, 37. cet. 
3 ) Childeberti II regis decretio (Pertz. Mon. Leg. I. p. 9). 
4 ) cfr. Roziere : recueil general des formules etc. CXXXII. (nondum vulgata). 
5 ) WlDUKlNDl Corbej. Annal. II., io. (ad ann. 941). 
*) Falsam sententiam Dedekindus protulisse mihi videtur, qui in »commentatione de ordine, quo legibus et inoribus 
Germanorum antiqui et medii aevi successio ex cognationis jure delata sit« p. 44. contendit, ob earn causam jus repraesentationis 
apud Germanos ortam esse, quod, quum »homines liberi potestate de rebus suis ex arbitrio disponendi permissa abuti* coepissent, 
nepotes exheredati essent, nisi in patris praemortui partem successissent. Antea enim eum, qui modo a propioribus exclusus 
esset successione, ideo non exheredatum esse, quia scilicet bona hereditaria semper inter consanguineos per successione® 
versata essent et propioribus heredibus mortuis ad remotiores redire potuissent. Contra quam sententiam hoc unum afferre satis 
habeo, perraro factum esse, ut nepos defuncti etiamsi hereditas a filiis non alienaretur, ad avi hereditatem perveniret, quum 
filii defuncti paternam hereditatem praemortui fratris filiis non relinquerent, nisi proprii liberi vel fratres deerant. 
, ) cfr. Dedekind 1. c. p. 45.
	        

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.