Die tertio m. Julii 1856. Omnis urina feminae stantis vel euntis e vagina 
effluit, tum modo, quum femina in latere laevo vel supina sita est aliquantulam partem 
urinae retinere potest. Genitalia rubra, excoriata apparent. In pariete dextro vaginae 
digito uno post introitum vaginae plica cicatricosa et contracta invenitur, quo in loco 
paries vaginae cum parte interiore rami descendentis ossis pubis coalitus apparet, ita, 
ut vagina detrahi non possit. Digito uno et dimio supra plicam illam in eodem 
pariete vaginae fere digito dimidio infra portionem vaginalem alia plica cicatricosa 
est, cujus in medio foramen cum inarginibus induratis magnitudine bullae medriocris 
specillo invenitur, e quo aqua in vesicam injecta effluit. Summa cum difficultate 
vagina non magis attrahi potest, quam ut fistula in aspectu ponatur. Die sequente 
fistula ipsa et partes circumjacentes in extensione unius Schillingi ferro candente for- 
titer uruntur et vagina cum lino xylino alumine consperso impletur. Secundo die 
post urina e vagina effluere coepit. 
Die decimo tertio m. Julii. Cauterisatio eodem modo repetitur, quarto die 
post urina e vagina effluit. Exploratio quae nonnullis diebus post instituitur docet; 
fistulam minorem factam esse, quum bulla ilia specilli, quae in prima exploratione 
est, in fistulam penetrare non possit. 
Die octavo m. Augusti. Nova applicatio ferri candentis, sed frustra. 
Die secundo m. Septembris. Iterum uritur ferro candente fistula. 
Die undetricesimo m. Septembris. In antecedentibus diebus minor copia urinae 
e vagina effluebat, ex duobus nihil amplius effluxerat. Exploratio docet, fistulam 
esse clausam. 
Si jam eventus suturae duplicis in "nostris casibus rationem habemus, hunc 
plane cum illis, quos Simon descripsit, consentire, elucet. Et mehercule ipsa sutura 
duplici conditiones illae constitutae sunt, quibus solis sanatio bene cedere potest, hac 
enim sutura adhibita cum margines vulneris arctissime se contingunt, turn tensio quae- 
que, quae conjunctione fistulae oritur, sutura externa tollitur, dum margines sutura 
interna conjuncti firmiter coaliti sunt. Incisiones Joberti in nostris quoque casibus 
non necessarias fuisse vidimus. Turn solum incisio Joberti haud inutilis videtur, 
quum, fistula in orificio uteri sita, hoc dividatur, itaque anterius labium orificii uteri 
cum margine opposito fistulae sutura conjunguntur. 
Deinde, quod magni inomenti esse videtur, in nostris casibus suturae firmiter 
constrictae sunt et multo major suturarum copia, quam in casibus Simonis, adhibita 
est. Hoc enim solo fieri potest, ut conjunctio absoluta efficiatur, quod, si non fit, 
urina per vulnus penetrat, minima vero pars urinae per vulnus penetrantis efficere 
potest, ut conjunctio plastica turbetur. Magna revera pars eventus fausti in nostris 
casibus liuic rei attribui posse videtur, quod multis suturis et firmiter constringendo 
2