4 
, Virgo, viginti quatuor annorum, cui noinen erat Christina Jissen, Angla, die V 
m. Nov. MDCCCLVI in nosocomium Fridericianum recepta est. Tribus annis abhinc 
primum senserat tumorein in dextra colli parte oriri. Qui tumor, cum decern hebdo- 
madum spatio magnitudinem ovi gallini assecutus esset, punctione apertus est. Quo 
facto fluidum pellucidum et cum sanguine aliquantuluin commixtum evacuatum est. 
Duobus annis postea tumor, qui crescere non desierat, cum jam magnitudine caput 
infantis exaequaret, iterum punctione evacuatus est; fluidum autem evacuatum obscu- 
riorem tenebat colorem cacaotico similem. Antequam oriretur tumor, crebris ait 
aegrota capitis doloribus se laborasse, qui postea cessissent. Menstruatio autem ex eo 
tempore inaequalis facta est. Tumoris causam traumaticam esse demonstrari non potest. 
Status praesens. Aegrota bonae valetudinis esse videtur, neque, in dextra 
parte colli praeter tumorem tanti ambitus, quantum habet caput infantis, quicquam 
morbösi apparet. Tumoris ambitus circumscribitur superiore claviculae, anteriore 
musculi cucullaris et posteriore musculi sternocleidomastoidei margine, hie autem per 
tumorem aliquantuluin elatus' est. In anteriore parte tumor non tarn certos fines 
habet. Cum glandula thyreoidea, quae non amplificata est, non cohaerere videtur. 
Super mobilem tumorem cutis moveri potest et sanä est. Cum ex superiore in infe 
riorem partem astrictae taeniae super medium tumorem extendantur, in lacinias 
divisus videtur. Illae taeniae tumorem in anteriore et posteriore parte in modum 
duarum bullarum curvant. In hisce regionibus cutis tantopere intenta est, ut fluctu- 
atio, quae quidem certe sentitur, minus appareat. Si anterior et major bulla premitur, 
posterior altior fit. Si utraque preinitur tumor non diminuitur; itaque quae in eo 
insunt, in altitudinem deprimi non possunt. Impressione autem tumoris evanescit 
pulsus radialis in dextro brachio. Pulsatio in tumore non invenitur. Neque pressa 
neque non pressa cysta doloribus afficit aegrotam. Translucens non est. Quamquam 
neque glutiendo neque respirando difficultatem affert, tarnen si anterior tumoris pars 
preinitur, motus quidam glutiendi exoriuntur. 
Die VI m. Nov. punctione facta VIII—X unoiae obscuri, fere nigri et liquidi 
fluidi evacuatae sunt, in cujus superficie crystalla cholestearini nabant. Sedimentum 
sub microscopio magnas cellulas granulosas et parvas partes substantiae colloideae 
ostendebat. Ex inquisitione chemica eo rnultum albumen et albuminata natri con- 
tineri consequebatur. Quamvis cysta plane evacuata esset, sequente tarnen die in 
prius volumen redacta erat, ita ut iterum per punctionem aperiretur. Evacuata est, 
pressione adhibita, parva quantitas fere puri sanguinis et aliquantum acris, qui in 
tumore etiam per percussionem demonstrari poterat. Ambitus cystae hac evacuatione 
diminutus non est. Sequente die vehemens apparebat sugillatio totius regionis cir- 
cumjacentis, praecipue deorsum usque ad mammam, quin ipsius mammae, qua de 
causa antea jam decretam evacuationem 'cystae cum sequente jodi injectione amplius 
differre placuit.