7 
videtur, quam dicat, pseudarthrosin semper existere, ubi contaetus non perfeetus frag- 
mentorum adsit. Ossiurn quidem, quae, si frangantur, non plane coaptari possunt, 
fracturas semper fere sub forma pseudarthrosis sanatas videmus, ut patellae, olecrani, 
processus coronoidei ulnae, attamen exempla non dubia ab aliis auctoribus descripta 
invenio, ubi conjunctio ossea etiam inter ea fragmenta accidit, quae spatio disjuncta 
erant. Id vero puto, pseudarthrosin, si adsit, plerumque ex illa causa ortam esse. 
Norris inter 44 pseudarthroses 22 ex illa causa ortas invenit; etiam in casu primo 
nostro haec causa affuit. Eodem modo exercitium praematurum membri pseudarthrosin 
efficere potest. Deinde secundum observationes, quas Rognetta fecit (Gaz. medicale 
1834) vincula praemature adhibita formationi calli obstare videntur; idem efficit, quod 
jam A. Pare observabat et experimenta cum animalibus facta probaverunt, strictura 
vinculorum nimis fortis, non autem, ut Malgaigne ait, nisi praemature vincula adhibentur, 
quia postea strictura sanationem adjuvat. Videtur quidem, pressuram inter primam 
reactivam inflammationem factum hanc inflammationem ad sanationem utilem exstin- 
guere et resorptionem exsudati ad callurn formandum necessarii excitar.e. Aliter vin 
cula per nimiurn tempus continuata nocent, quod Cloquet praesertim praedicavit: 
pressura longinqua nutritio insufficiens, atonia et atrophia partium mollium in regione 
fracturae nascitur, quod formationem calli impedit; denique status inde nasci potest, 
quem Cloquet scorbutum localem vocat: epidermis solvitur, transsudata haemorrhagica 
in partibus mollibus videntur, denique gangraena accidere potest. Porro abusus topi- 
corum fluidorum, fomentorum et irrigationum formationi calli obstare potest. Nivet 
inter 8 fracturas complicatas irrigationibus curatas duas modo tempore justo sanatas 
invenit. 
Hic non locus est, accuratius examinare fracturarum therapiam, id autem me- 
morare volo, ad pseudarthrosin prohibendam id summum valere mihi videri, ut vin 
cula semper adhibeantur, quae dislocation! et motui fragmentorum quam maxime 
obstent, sed neque praemature nec diutius applicentur. Vinculum immobile permanens, 
primurn a Seutin commendatum, saepissime praestantissimum erit. 
Plures pseudarthrosum species praesertim a Norris descriptae sunt, quae omnes 
sub duabus formis supponi posse mihi videntur. Aut fragmenta massa fibrosa et liga- 
mentis arctius aut laxius inter se juncta sunt, dum ipsae superficies fracturae aut 
coaptatae sunt aut dislocatio adesse potest; haec forma saepius invenitur; aut, ut in 
casu primo nostro, fragmenta in circuitu ligamentis fibrosis conjuncta sunt, dum 
superficies terendo laevigatae inter se contingunt; haec forma est, quae a nonnullis 
ut diarthrosis vera describitur. Haec varictas, quae autem nisi operatione facta diffi- 
ciliter nosci potest, quod ad praxin nonnullius momenti esse mihi videtur, quum, quod 
ex analogia cum articulatione vera effici potest, multo difficilior sanatio, ergo anky 
losis, in iis pseudarthrosibus futura sit, quae diarthrosi similes sunt; ad eas sanandas