228 XXV. EX CHRONICA KORNERI CETERISQUE CONTINUATORIBÜS DETMARI.
Item in desseme yare na paschen g) konyngh Cristiern vorsammelde grot volk, uade toch in Sweden
to water unde to lande. To water sande he ut wol XL schepe bemannet, dar weren hovetlude over her
Olef Axelh) unde her Magnus Gren, riddere Desse quemen erst vor OlandeD; dar wolden se an lant ghan
unde wynnen dat; mer konyngh Karl hadde dat wol bemannet unde bewaret, dat se den Denen to stark
weren, unde sloghen se myt macht van deme lande, also dat der Denen vele dot bleff. Darna quemen se
vor den Holm unde menden den Holm ane twyvel to wynnende, wente se vormodeden syk, dat dar vele
lude ynne weren, de konyngh Karle nicht beweghen weren, de syk gherne wolden gheven under konynk
Cristiern. Unde dyt ruchte was in dem lande to Holsten unde ok in etliken steden, de de konyngk Cri
stiern beweghen weren, wo de Holm alrede vorraden were van den ynwoners, also dat se dorsten segghen,
uppe sunte Peters unde Pawels dachk) wart de Holm ghewunnen. Doch do se vor den Holm quemen, do
worden se nicht wol entfanghen, alse se hopeden, wente de Sweden hadden ere schepe, de vor der stad
leghen, wol bemannet unde wol bewart myt bussen unde allerleye were, unde do de Denen quemen, do
schoten se tolyke loes, unde schoten vele Denen dot; ok vordrunken er vele, also dat dar hieven wol ver
hundert man, de de schoten worden unde vordrunken. Aldus toghen se wedder van deme Holm To lande
toch konyngh Cristiern sulven .myt syner ridderschop unde myt synem eghenen volke; ok hadde he vele
reyseghes Volkes van buten, alse greve Gherd van Oldenborch, synen broder, greven Ernsten van Honsten,
syner suster man, unde den greven van Lichen 1) myt ereme volke, unde darto vele hovelude ut der Marke
unde ut deme lande to Mekelenborch, de em sande hertich Alff van Holsten up syne egene kost, wente de
hovelude ut Holsten wolden up de tyd sulven nicht ut. Ok sande eme hertich Alff uppe syne kost wol
soven hundert soldener to water, dar men vyf hundert wedder van quemen, de anderen vordrunken unde
worden gheslaghen. Myt desseme volke reysede konyngk Cristiern in Hollanfm), unde wan dar Ludehusen
unde darto etlike holten slote n) dar ummelank, unde lach dar den ghansen somer wente to assumpcionis
Marie o), unde vorterde wat dar was, also dat he up dat lateste gröten kummer leet myt al syneme volke.
Ok quam de pestilencie in dat volk, dat dar storven hoven vyv hundert man; ok storven em vele perde,
wente dar en was neen voder. Aldus moste he van not weghen rumen van der stede, unde dorste nicht
wedder theen yn Sweden umme swarheyt unde varlicheyt willen der weghe; ok wuste he wol, dat konyngh
Karl to velde lach myt groteme volke unde beydede syner. Hyrumme ghaf he de reyse over unde toch
wedder to hus, unde ghaf orloff den greven unde den guden luden, de he myt syk hadde, unde leet se
wedder to lande theen, behalven junker Gherde synen broder, den makede he altohant wedder ut to watere
XV. schepen; dar seghelde he mede in Norweghes syden, unde lach dar up de Hollandere, de de komen
scholden van Dantzike. — — — — — — — — — — — — — — — — — —
1455. — — Item in desseme yare na des dat konynk Cristiern hadde gheweset to Hadersleve p),
do seghelde he in Sweden to Elvesborch, dar do up was her Olef Nigels q), de dar mit listicheyt upgbe-
kommen was. Desseme lovede de konyngh nicht wol unde hadde anxst, dat he dat slot wedder brochte an
den konynk van Sweden Van desseme slote wolde her Oleff nicht, yd en were, dat de konynk em wed-
dergheve de voghedye to Berghen, de he em ghenomen hadde umme der unwonliken beschattinghe willen
de he ghedan hadde in Norwegen, unde ok wente he alle tyd to unvrede was myt deme kopmanne to Ber
ghen, deme he nam dat syne to water unde to lande, dar deme konynghe vele claghe over quam, worumme
he em nam de voghedye, unde ghaf se her Magnus Gren, deme riddere, de den köpman wol liden mochte.
Hyrumme leet de konynk vorboden des rykes rad van Norweghen to syk to Elvesborch unde ratvraghede,
wo he dat myt her Oleve holden scholde, up dat de konyngk dat slot kreghe unde her Olef des nicht vor-
brochteO; so duchte deme rade gut wesen, dat he her Oleve de voghedye weddergheve unde darto, wat he
esschede. Aldus beseghelde de konynk her Oleve hreve uppe de voghedye unde ghaf se em wedder myt
Unwillen unde darto vele hove, de her Olef hebben wolde, scholde he rumen dat slot. Ok nam her Olef
van deme slote wat derup was teghen willen des konynghes, unde leet dat wechvoren s). — — — —
1456. Anno domini MCCCCLVI up mytvasten t) heit konynk Cristiern van Dennemarken enen dach
to Rosteke, unde dar was mit em de konyughynne. Up den dach weren vorbodet de hertighen van Holsten,
g) D, 9 Aprilis. Die 19 Maji Karolo regi Holmiae versanti nuntius perfertur Kristiernum Westrogothiam adortum esse
(Dhron. Rhythm, supra Tom. I. 2. pag. 141). h) Olof Axelsson (Tott). i) Incursus in Ölandiam ab aliis post Holmiæ oppug
nationem factus esse dicitur (Chron. Rhythm. 1. c. pag. 143 et Stralsundische Chroniken infra). k) Die 29 Junii. 1) Comi
tatus Hohnstein et Gleichen in Thuringia. m) Halland. n) Munitiones ligne®. o) Die 15 Augusti. Jam die 19 Augusti
Kristiemus Havniæ versatur (Diplomat. Kristierni I:L pag. 43). p) Conventus ibi in priore parte mensis Maji habitus est. Ex
peditio ad Sveciam ineunte mense Junio facta est; d. 2 Junii Kristiemus adhuc Roskildis versatur (Regesta Danica I. n. 3942);
d. 20 Junii Ludosia Danis traditur (Hadorph Rim-Krön. H. 192). q) Olof Niclisson, cujus interfectio eodem anno per Teu
tonicos in Bergen (in Norwegia) infra in chronico describitur. r) Forsan voribrochte, ”deduceret” vel ”auferret.” s) Die
29 Juni Elfsborg traditur (v. supra pag. 131). t) Dominica Lætare in diem 7 Martii incidit. Die 12 Martii Kristiernus
adhuc in Rostock est (Regesta Danica I. n. 3759).

Nutzerhinweis

Sehr geehrte Benutzer,

aufgrund der aktuellen Entwicklungen in der Webtechnologie, die im Goobi viewer verwendet wird, unterstützt die Software den von Ihnen verwendeten Browser nicht mehr.

Bitte benutzen Sie einen der folgenden Browser, um diese Seite korrekt darstellen zu können.

Vielen Dank für Ihr Verständnis.