XXV. EX CHRONICA KORNER! CETERISQUE CONTINUATORIBUS DETHARI 225
Hyrumme ghink her Magnus Ghren, de hovetman van Sweden, to her Olef Axels unde vraghede, wat de
konyng darmede meende; he hopede jo, dat se den vrede holden worden. Do sede her Olef, dat he syk
nicht en vruchtede, de konyngh scholde den vreden holden, edder he wolde dot bly ven vor des konynghes
Voten. Aldus lovede he em. Her Magnus doch mysduchte sere, wente de konyngh toch na der stad myd
deme Volke, unde alse he darvor quam, do let he vorboden de borghermestere unde den rad, unde wolde,
dat se em huldighen scholden. Do antwardede de borghermester, dat se dat myt eren nicht don mochten,
wente se hadden ghehuldighet konyng Karle, unde dar enboven wer besloten up deme daghe, den syn bro
der unde her Olef Axels myt velen anderen guden luden ghelovet unde ghesworen hadde stede unde vast
to holdende, dat se blyven scholden by konyng Karle wente so langhe, dat beyde konynghe mit recht ghe-
scheden worden, unde we denne Godlant scholde beholden, deme wolden se gherne huldighen; hyrumme
beden se syne gnade, dat he se dar enboven nicht beswarede. Do wart konyngh Kersten tornich, unde
sede, dat se kort ere berat nemen unde huldighen eme; wolden.se des nicht don myt willen, so scholden
se dat doch don, wente he en vraghede dar nicht na, wes eu ghelovet were. Alse do de rad yn de stad
gink unde wolden spreken myt der meenheyt, do -wart de stad anghesticket myt vure uppe velen steden
van den Denen, de dar alrede ynne weren, unde des konynghes volk bynnen der stad. Aldus van brande
unde van dotslaghe schach dar grot schaden, wente dar bleven boven ver hundert Sweden unde ynwoner
der stad dot, de gheslaghen worden unde vorbranden an deme vure. Ok wart der Sweden vele ghevanghen,
unde vele lepen up de starken stenhuse unde bemanneden de; doch wart darna yn kort een vrede beropenO,
also dat beyde konynkrike vrede holden scholden wente uppe den dach, de dar wesen scholde to Helmestede,
unde weret dat de rad van Sweden dar queme van des rykes weghen, so scholden de vanghenen los unde
quyt wesen, weret ok dat de rad dar nicht en queme, so scholden de vanghenen ynkomen also vanghene
lüde g). Aldus seghelde konynk Kersten wedder to hus, unde derghelyk de Sweden, unde her Olef Axels
de behelt dat slot unde dat ghantse lant also eyn hovetman des landes. — — — — — — —
1450. — — — Item in desseme yare by pinxstenh) wart gheholden eyn dach to Helmstede,
unde dar weren beyde ryke rad van Dennemarken unde van Sweden umme twedracht willen, de dar was
twysschen beiden riken, unde up deme daghe wart besloten unde belevet, dat konynk Karle scholde blyven
konynk yn Sweden, mer wat he hadde van deme konynkryke van Norweghen, dat scholde he overgheven
deme konynge van Dennemarken, unde de sake van Godlande scholde noch bestände blyven wente up ene
andere tyd Aldus moste konynk Karle wedder overgheven dat ryke van Norweghen myt Unwillen, wente
he hadde alrede entfanghen de kronen des rikes, unde konyngh Kersten de toch yn Norweghen unde leet
syk dar huldighen, unde bleff den ghansen somer an deme lande. Unde bynnen der tyd, er he to hus
quam, by sunte Michaels daghe, hadde de konynghynne enen jungheu soneD, unde was de erste gheboren
konyngk to Dennemarken yn LX. yaren. Hesse wart ghedoft unde wart geheten Olavus. Unde wente ko
nyngh Karle afghesecht was dat ryke van Norweghen, unde G odland myd vorsumenisse was vorloren, so
warp he sine unhulde up deghennen, de hyr hovetlude aff weren, unde leet etlyke van den koppen k), unde
nam en ere gud Ok worden summelke vorvluchtichl), de he ok beteech m), de doch seden, dat se unschul-
dich weren, also her Magnus Ghren, de hovetman was uppe Gotlande unde ok was uppe deme daghe to
Helmestede, dar des rykes rad van Sweden overghaf dat ryke van Norweghen. Ok settede he af de hovet
lude van den sloten, unde settede dar nye wedder up; mer wo syk dit noch vorlopen wil, dat is noch nicht
vor oghen. — — — — — — — — — — —
Underdes geschach uppe desulven tyd, wente konynk Karle van Sweden etlike hovel, ode affsettede van
synen sloten, de he yn wane hadden), dat se em nicht truwe weren, mer dat se paityeden myt den Denen
teghen en, ok let he etlyke doden umme dersulven sake willen Dyt vornam her Magnus Ghren, ridder,
de hovetman hadde ghewesen uppe Godlande unde nu tor tyd ynne hadde dat slot Abow; do viuchtede he
syk unde dorste yn deme lande nicht blyven, mer he beredde en nye barze, de he sulven hadde ghebuwet,
unde sad dersulves yn wol myt L knechten, unde wolde seghelen to Lubeke edder to deme Sunde o), alse
f) Foedus de Gotlandia d. 31 Julii in Wisby initum et d. 1 Augusti in Wisborg a Kristierno rege firmatum est (Hadorph
1 c II nae 156 saq 1 g) Hoc in foedere supradicto non legitur, sed idem m Chronico Rhythmico (supra Tom. 1. 2. pag.
132) .t i L Si regis 1 2 Sep. d.ti. (St,«, 1. Ul. p. 21) dicifr. h) D, 24
incepit (v supra Tom. I. 1. pag. 167 et 2. pag. 134). Pactio d. 13 Maji mita est (Diplomat, Knstierm Ripag. 18 22 Hadorph
c n pag 170-174). y Molbech, BMoriske Aarböger , Kjobenh. 1845 I. pag. 113 affert Hamelman Oldenb. Chron. p.
199 quo auctore filius regis d. 27 Sept, natus est, septimo decimo die post rex Havniam reversus est. Die 12 Octobris regem
199 quo auctore nims J J Kristierni Ii pag 33). Puer brevi post vita defunctus est. k) Hoc nullis fontibus
in reditu Halmstadiæ invenimus (Diplom. juisuerm 1.1 t ,■ na * Qlinrjli m t i
firmatur 1) In exilium pulsi. m) Accusabat. n) Suspicatus est. De feodorum confiscatione cfi. supia loro. . .
p g 167 et 2 pag 136, 137. Judicium consiliariorum Sveci* super feodo Magni Gren, postquam jam in fugam se dederat,
Limbe d. 2 Octobris datum est (Bring, Handlingar .. i Svenska Hist. IL pag. 251). o) Stralsund.
Tom. III.
I. 57.

Nutzerhinweis

Sehr geehrte Benutzer,

aufgrund der aktuellen Entwicklungen in der Webtechnologie, die im Goobi viewer verwendet wird, unterstützt die Software den von Ihnen verwendeten Browser nicht mehr.

Bitte benutzen Sie einen der folgenden Browser, um diese Seite korrekt darstellen zu können.

Vielen Dank für Ihr Verständnis.