XXY. EX CHRONICA KORNERI CETERISQUE CONTINUATORIBUS DETMARI. 217
mit enen guden vruntliken ende. De artikle der vruntliken
beslutinge weren desse: Dat erste was, dat den tollen, den
de kopman over hundert jaren plack to gevende, scholde he
noch geven in den dren riken, und den en scholde nement
verbögen mögen. Dat andere, dat de kopman in nener an
deren stede scolde tollen, men dar he over hundert jaren
plach to tollende in den dren riken. Dat drudde, dat de
Düdesche kopman scholde brukende wesen aller vrigkeit und
Privilegien, de em gevenen[o: gegeven] hebben de koninge der drier
rike over hundert jaren. Dat veerde, dat allen schaden, den de
Denen, Sweden und Normanne gedan hebben deme Dudeschen
kopmanne, scholde de koning uprichten und wederleggen under
der tyd, van den degedinges luden gesettet were. Dat viffte,
dat al dat recht, dat koningk Erik gewannen hadde in des
keysers hove jegen hertigen Alve van Sleswick, dat scholde dot
wesen und nene macht hebben. Dat soste dat alle Denen,
Sweden, und Normanne scholden to neuen anderen tollen ver
bunden wesen to gevende in den seesteden oft in deme lande
to Holsten und Sleswic, men dar se to vorplichtet weren und
to gevende plegen over hundert jaren h). Desse soss artikle,
de in deme degedingen begrepen weren van des koninges ra
de, und des hertigen und der stede boden, und de van en
allen belevet veren, worden deme koninge vorgelesen, und [he]
vulbordede se, und bezegelde se stede to holdende mit si-
nem und sines rades ingezegele. Dar ok der verscrevenen
stede zegele worden bi gehenget mit des hertigen zegele.
Also do dat gesehen was, do wart dar to Werdingborg de
mene vrede geropen und vorkundiget openbar van des konin
ges wegene, und der Holsten und der Seestede. Datsulve
schude na ok im Holsten lande und in den sieden. — —
In deme XXIII jare Sigismundi, do men screff na Godas
bort MCCCCXXXVI jar To den tiden alse j
de gude Engelbrecht, der Schweden hovetman, vorreetliken
vruchteden, dat de stede sik vorbinden wol-
den myt den Sweden jegken de Denen, wente
de en stunden nicht wol to samende. Hy-
rumme spreken se gudlyken myt den sende-
boden unde beden se, dat se myt en noch
ens deghedingen wolden. Aldus brockten de
sendeboden ere ersten articule wedder vor,
unde do behagheden se den Denen wol, unde
tovoren vorsmadeden se se unde duchte en
nicht gud. Also besloten se myt eme enen
guden ende, unde de articule stan hyrna ghe-
screven. Dat erste was, dat de kopman an
ders nenen tollen scholde gheven in Denne-
marken Sweden unde Norweghen, ane den
he over hundert yaren ghaf. Dat andre was,
dat de Düdesche kopman unde ok de andere
kopman in nener stede scholde tollen, ane
dar de Dudessche kopman over hundert ya
ren plach to tollende. Dat drudde was, dat
de kopman aller olden vryheyt unde Privile
gien bruken scholde in den dren ryken, de
eme de konynghe in vortyden hadden geghe-
ven, ane hinderinge unde weddersprake. Dat
verde was, dat de konyngh scholde wedder-
legghen allen schaden, den de Denen deme
kopmanne hadde gedhan in velighen daghen
[unde] vrede uppe beschedene tyd, also darto
gesettet worden. Dat vefte was, dat alle
recht, dat konyngh Erik beholden hadde in
des keysers hove jeghen hertigen Alve van
des hertichdummes weghen van Slesswyk,
scholde nycht syn unde nene macht hebben.
Dat soste was, dat de Denen, Sweden unde
Normans nene tollen scholden gheven in de
me lande to Holsten edder in den steden,
ane de wonlik was over hundert yaren, unde
scholde bruken aller olden vryheyt unde Pri
vilegien, de deme kopmanne ut den ryken
dar oldinghes ghegheven weren. -7- Also des
se articule besloten weren van beyden parti-
gen, do wart darto esschet de konyngh. Al
tohand belevede he se unde ghaff darto syne
vulbort. Aldus worden se bebrevet unde
beseghelt van beyden syden. Also do dat
gheschen was, leet de konyngh utcreyeren i)
openbar ewighen vrede twisschen den ryken
unde den heren van Holsten unde den steden,
unde desghelyk deden ok de Holsten unde
de stede, do se to hus quemen. — — — —
— — — k) Do Engelbrecht, de ho
vetman van Sweden, mit vorretnisse ghesla-
gen was van Magnus Bentz, do koren de
h) Liter* pacis inter Ericum et urbes Hanseaticas d. 17 Juli 1435 Werdingborg dat* reperiuntur in Gadebusch Poin-
, q , Greifswald 1783 in 4-o I paff. 37—40. Conditiones tamen ibi tantum summatim non separatim, ut hie
Adolfum d«„, d.
Damn' Riges Krön, in 4:o, Tom. IV. pag. 554. i) Proclamare. k) Scriptor numeros annorum 1436 et infra
suis locis inserere neglexit, cfr. not. b. supra.
Tom. III.
L 55.

Nutzerhinweis

Sehr geehrte Benutzer,

aufgrund der aktuellen Entwicklungen in der Webtechnologie, die im Goobi viewer verwendet wird, unterstützt die Software den von Ihnen verwendeten Browser nicht mehr.

Bitte benutzen Sie einen der folgenden Browser, um diese Seite korrekt darstellen zu können.

Vielen Dank für Ihr Verständnis.