8o
I. CHRONICA
hac angustia et temporis penuria nobiles Principes constituti, quid elige
rent ignorabant. Verumtamen, quia periculum erat eis in mora, cursu præ-
cipiti regni limites egredi festinabant; sed quo diverterent, nescii fere
bantur in incertum. Considerantes autem quod Ericus rex Daciæ gener f)
eorum esset, utputa habens sororem eorum uxorem, sperabant consolatio
nis aliquid apud eum invenire, et idcirco versus Daciam direxerunt con
tinuo gressus suos. Ad Regis autem Daciæ praesentiam venientes, minus
hilariter ab eo suscepti, minusque favorabiliter habiti, doloribus suis dolo
re super addito consternati, brevi apud eum tempore perstiterunt. Con
fiscantur interim eorum bona, et castrum Nycopense, de manibus eorum
ereptum, a Regis satellitibus occupatur. Rex quippe Danorum, etsi Du
cibus esset affinis, eorum scilicet sorori matrimonio copulatus, Regi ta
men Birgero amplius attinebat, eo quod alter alterius sororem haberet u-
xorem. Sed et regina Sueorum Margareta, apud fratrem suum Regem
Daciae pro Ducum contumelia et opprobrio, ut potuit, laborabat. Pausa
bant tamen in Dacia, donec eadem æstate celebrata apud Fagradal q ) par-
lamento, convenissent ibidem Reges, Birgerus Sueciæ, et Ericus Daciæ,
spem habentes, quod in hoc colloquio aliquid ex parie pro eorum pace
et concordia tractaretur. Sed cognito, quod potius pro eorum fuisset ex
terminio laboratum, in Norvegiam diverterunt, exponentes Regi Norvegiæ
Haquino, quomodo frater eorum bonis eos hæreditariis et parte regni eis
debita spoliasset, et insuper eos vita privare intenderet. Tunc rex Haqui-
nus pie eis compatiens, promisit se fideliter pro eis laboraturum apud fra
trem eorum in gratiam restituendis. Quod si minus proficeret, asseruit
se eorum necessitatibus non defuturum. Unde ad preces Reginæ Norvegiæ
mox assignavit eis civitatem et castrum Konghella. Quo accepto, victu
alibus ipsum et armis fortissime munierunt. Distat autem Konghella a
Ludosia duobus milliaribus.
Audiens igitur Rex Birgerus, quod fratres sui Duces munitionem illam
occuparent, suspicatus est, quod exinde latrocinia et depraedationes in re
gno Sueciæ exercerent, propter quod quanto citius erexit fortalitium mu
nitissimum in Gulibergsheed r ) ut esset obstaculum volentibus ex ea par
te Vestgothiam incursare. Sed habebant Duces validissimos et expeditis
simos bellatores; qui non obstante castro prædicto Gulibergsheed, conti
nuis incursionibus Vestgothiam invaserunt, et rapinam inde innumeram
distraxerunt, captivantes Benedictum Legiferum Vestgothiæ Q, et inde Lu-
dosiam bonis omnibus spoliantes, et tandem eam igne funditus concre
mantes, et alia damna quam plurima regno Sueciæ inferentes, aedificave
runt castrum in Dala, Dalabqrg nominatum /), affligentes rusticos circum
positos oneribus importabilibus in erectione fortalitii memorati.
Tunc Rex Birgerus misit octo Milites sibi fidelissimos, qui observa
rent vias et transitus, qui esse possent inter Norvegiam et Dala, ut essent
praesidio habitantibus illic contra Ducalium satellitum insidias et insul
tus. Qui partes illas intrantes, apud fluvium et pontem Agnabro conse-
de-
P) Svåger, affinis. In Chron. Rhythm, ma),
quod Auctor ad verbum sequitur ”Magher,” Mag,
promiscue pro affine et genero usurpatur.
q) In Smolaudia. Cfr. Chron. Ol. Petri. T.I.
Sect. II. p. 259.
r) De quo v. Chron. Rhythm. 1. c.
s) Benedictus Algolhi. Cfr. Chron. Rhythm. I. c.
t) Cfr. Chronol.^Nio 16 ad an. i3o4.
u) Chron. Rhyth m. 1. c.
