383 
XV. 
HISTORIA SANCTI BOTVIDI 
cum Hymnis et Antiphonis. 
Auctore Birgero Gregorii Archiepiscopo Ujpsaeiensi. 
Ita praesens Officium S.Botvidi inscribitur in Chron. vet. Archiepiscopor. Upsal., per 
gf. Scheffierum et E. Benzelium edito. Egregium insuper de auctore profert testi 
monium î 
”Dnus. Birger us Gregorii , prius Praepositus Upsalensis, vir magnae liberalitatis et 
sani consilii. Vir in omni, scientia, praecipue Theologiae, Legum et Canonum peritus. 
Qui dictavit Historiam Sanctae Birgittæ, quæ incipit: Birgitten matris inctytœ. Item 
Historiam Sancti Botvidi, Martyris, quæ incipit: Triumphantis militice etc.” — 
Floruit Noster Sec. XIV. ad finem vergente. Electus 6cilicet Archiepiscopus Upsa- 
liensis an. i566 , annoque sequente ab Urbano P. V. inauguratus, vitam cum mor 
te commutavit an. i583. cfr. Rhyzelii Episc. I. p. 42. 
Historia hæcce S. Botvidi Lectionibus IX. brevissimis absolvitur, et ex Legenda 
antiquiori, supra allata, excerpta est. Quæ observatio valet de ceteris Legendis in 
Breviariis nostris obviis. Ex eodem fonte derivata sunt quæ in Actis Sanctor. Ant- 
verp. Jul. T. VI. exstant Acta S. Botvidi, admodum abbreviata, ex Passionali Msc. 
Coenobii Bodecensis, cum commentario et notis Petri Boschii. 
Hancce Historiam S.Botvidi Martyris e Breviario Strengnensi, Holmiæ 1495 
pis impresso, derivavimus, 
Triumphantis militiae 
Regem laudemus hodie, 
Laudabilem in secula: 
Antiphona. 
Pupillos pie suscipit, 
Et compeditos eripit, 
Amore fovet indigenas. 
Qui filiis ecclesiae 
Militantis in acie 
Nova confert solatia. 
Regnum collaudat Sveciee 
Patrem misericordiae; 
Nam post plura miracula 
Sancti viri reliquiae 
Mire dantur memoriae, 
Divina providentia. 
éanctus Botvidus erigit 
Elisos, justos diligit, 
Jure custodit advenas, 
Visu coecos illuminat, 
Dispersos multos glutinat 
Unitati catholicae: 
Incredulos humiliat, 
Contritos corde solidat 
Vigore patientiae. 
Lauda Christum Plebs Svevica ! 
Collegit aula coelica 
Patronum tuum inclitum, 
Cui confidenter supplica, 
Quod tibi sors angelica 
Detur post mortis exitum. 
Capitulum. Beatus vir, qüi inventus. 
Gaude coelestis civitas, 
Grata depromens cantica: 
Botvidi clara sanctitas 
Laude lucet magnifica. 
Responsorium. O Nardus. 
Hymnus. 
Verba David ne effluant 
Cordi curavit tradere; 
Divitiæ si affluant, 
Nolite cor apponere. 
Lætetur Sudhermannia 
Tale producens lilium. 
Congratûletur Anglia 
Tantum baptizans filium. 
Job sancti memor operum 
Sectatur innocentiam: 
Tobiæ patris pauperum 
Secutus est clementiam.