304 
den steden eyns anderen dages vorramede den sine 
genade vt scyckede op pynxsten negest to körnende 
Hir vmme so en stvnde em dat ninerleyewijs to dö 
ende dat weder vmme to bryngende na dem dat sijne 
genade by Juwe werdicheit vnde den erborn vt den 
steden sine sake geseth hadde . Aldus ersamen leuen 
heren so was de ergenante here vnde hertoghe eyne 
reyse vt gezegeld vnde qwam weder in van vnweder 
vnde stormes wegen . Dar na vnses heren genade vor- 
benomede hir vordermer mit synen Rederen to worde 
is gewessen so dat dat aff schedent is aldus, dat vn- 
sen heren genade vorbenomede deth ergenanten heren 
vnde hertogen gelijk juwer werdicheit vnde den erborn 
vt den steden syne sake in de liant ghegeuen heuet 
Dar op lie vnse hern genade gelouet heuet dat he 
wille helpen dat truweliken bearbeiden so dat de dagh 
den vnsen heren genade begerende is de sal vultogen 
vnde geholden werden, war vmme ersamen leuen he 
ren wij juwe vorsichticheit vlijtliken biddende sint dat 
gy mit juwen wysen Raede dit vorderen op eynen gu 
den ende so dat de dagh tusschen beiden heren vor- 
benomeden vultogen werd vnde nicht to rugge en ghae 
wente . vnsen heren genade den guden willen heuet to 
daghe to körnende Juwe vorsichticheit dem Almech- 
tigen gode beuolen sy gesunt vnde salich Gescreuen 
vnder vnser stad Secret des midwekens vor sunte Lau- 
rencii dage Anno xliii 
Raedmanne der stad 
Wysbu opp Godlandc 
Utanskrift: 
Den ersamen vorsichtigen wijsen mannen Herren 
Borgermesteren vnde Raedmannen der stad Lubeke