276 
eyneme van deni olden rade [to] Rostocke, alse vns, 
iuwe gnade ok verscriuet, de deme olden rade, vnde 
eren vrunden, teghen des Paneses vnde des Romisschcn 
keysers vnde eren gewunnenen recht nicht so tröstlik 
vnde behulplik en syn, alse se wol bedorfFcn, vnde 
dat iuwer koninglike gnade amptlude, vnde vogcde in 
jnwen ryken, hauenen vnde gebeden, deme nyen rade 
to Rostocke vnde den eren mit eren guderen vorder 
velicheit hebben genen, des wy vnde vnsc ergenanten 
sendeboden vns io nicht vcrhopet enhadden &c Hir- 
vmme gncdige Ieue here so bidde wy de suluen iuwe 
koningliken hochwerdicheit vnde gnade odmodichliken 
vnde denstliken, dat gij in iuwcn ryken iuwen voge- 
den vnde amptluden alvmmc ? noch strengeliken wil 
len laten beden, dat alle dond mit den van Rostocke 
werde geholden, alse iuwe gnade vnde iuwe redere vn- 
ser vorsereuenen sendeboden hebben togesecht vnde 
louet, Verdene wy vmme de suluen iuwe koninglike 
hochwerdicheid willichliken gerne wor wy mogen vnde 
bidden des iuwe gnedige vnde gutlike besereuen ant- 
worde, Gode almechtich sijt beuolen to langen saligen 
tijden wolmogende vnde gesund Screucn des donre- 
daages, vor sunte Symonis vnde Jude daghe der wer 
den apostole vnder der heren des rades der stad Lu- 
beko ingesegele, des wy samentliken hir to bruken to 
desser tijd Anno domini &c xxx sexto. 
Juwer koninglike gnaden willige denere 
Borgermeistere vnde Radmanne der stad 
Lubeke Radessendeboden der stede Ham- 
borch Luneborch vnde Wiszmere nv tor 
tijd dar sulues to Lubeke to dage ver- 
gaddert.