107 
ren borgermeisteren vnde rathmannen der stat Lubik 
yiide den borgermeisteren vnde rathmannen der stedc 
uth Prusen nogafftige zone entfangen hebben van we- 
gene der ansprake de wy to en hadden von vnser do- 
den vrunde wegen de ouerworpen worden vnde laten 
se vnde de ere van des wegen van aller maninge vnde 
vurder ansprake gantzliken vnde degher ledich vnde 
los vnde louen vor vns vnde vor alle vnse vrunde ge 
baren vnde vngebaren vnde vor alle de yene de vmme 
vnsen willen docn vnde laten willen dat stede vnde 
vaste to holdende to ewygen tyden zunder alle list 
vnde hulperede vnde des to tuchnisse so hebben wy 
vorbenomede her Bertolt her Peter her Boren vnde 
her Stych vnse ingesegele an dessen breff hengen la 
ten dy gegeuen is to Calmaren na Godes bord xiiij 0 
vpp smite Egidius dach des hilgen bichtegers. 
Dessen vorgescreuen breff sal man leggen by de 
rathmanne to Calmaren de den bewaren sullen bet to 
der tijt dat desse vorgescreuene stücke in den wan 
delen benomet vullentogen syn zo sullen ze den sul- 
uen breff den steden vorgescreuen antworden vnde dar 
to eren cghenen breff na bornisse van den suluen 
hide mit erer stad ingesegel besegeld. 
Ok beoherden de van Lubik vnde de van Priisen 
O 
von der vrauwen koningynnen dat se eren breff dar 
vpp geue dat desse zone in erer yegenwardicheith ge- 
scheen were dar se to antwerdede dat se wulde kun 
digen laten vpp allen dingen vnde wolde denne dar 
na wesen dat en werden solde ere breff mit erem 
vnde mit erer manne ingesegel besegelt ydoch wolde 
se vmberedet dar ane wezen.