18 
(lat ik en orloff geue off ze ok wol gebreken, vnde ik 
juw nicht schriuen wil alzo uterliken alzo id mir hir 
weder veret vnde weide God dat ik myt juwen willen 
hir van komen kunde so nogede my wol Wetet ok 
dat Arnt Stuke hir waz vnde de andern Vitalgen- 
broder de dat kostele gut genomen hebben de woren 
mit vns to gespreke alzo dat Arnt Stuke sich wolde 
entseggen wor he id to rechte don solde dat he den 
vrede nicht gebroken hedde vnde begerde geleydes . 
alzo dat wy en leideden sniff twelfte de meynde he 
wolde geleidet sin mit synen hupen de den vrede 
nicht gebroken hedden vnde dar wolde wy nicht an 
Also is he wech gesegelt vnde de anderen de den 
vrede gebroken hebben de weren ok mit vns to wor 
den vnde begernden geleides vnde sproken ze weren 
in myns heren krige vnde wy weren wol van en be- 
gernde dat ze dat gut hedden up gesettet up evn 
recht vnde wor se des rechtes by bliuen wolden . dez 
hedde wy en wol gegunt entwer by dem koninge ed- 
der by den steden edder by vns, wolden ze id so up 
setten so weide wy en eyn antwerde seggen von dem 
geleide vnde dar wolden se nicht to vnde sint wech 
gesegelt entwer to Gotlande edder to Rostock edder 
to der Wismar, vnde wetet dat de Sweden entphan 
vaste der Vitalgenbroder to deneren vnde Sterken sik 
zere mit volke vnde legen alle wege to hope vnd wy 
weten nicht wat ze meynen . Wetet dat wy dat slot 
gedeilet hebben alzo dat wy in de vorborch sint ge- 
togen vnde hebben eynen keller beholden up den ober 
sten slote vnde den torm hebbe wy en belenet . Den 
hebben ze gelouet to bewaren by truwen vnde by eren 
alzo wol to der van Prusen behuff alzo tho erer be-