14 
manes iij timnen etikes vnde iij last soltes dorsches 
cypollen vnd viij timnen edder j last petersilgenwor- 
telen vnd ok kunne wy hijr to nynen ruben komen 
Item wetet dat wy dessen vogeden de vppe dessem 
slote weren gedan bebben xxj mark vnd c Swediscli . 
dar se vns vore gesettet hebben ene grote stenbusze 
vnd kokentowe alse van juwer wegen Vnde dat hebbe 
wy dar vmme gedan dat de busze dem Iiuse nicht to 
schaden koine vnd dar scholen vns de vogede des ko- 
ninges breff up schikken dat dat geld betalet werde, 
Vnde wetet Ieue vrundes dat my geldes enbrekt wente 
ik de hide sunder geld nicht geholden kan vnde dat 
geld dat gi my hadden mede gedan dat is lange vor- 
teret vnde ik hebbe dar wol xl mark to gedan Hijr 
vmme dut wol vnde sijt dar ane vorseen dat my geld 
kome edder ware wente man de Iude sunder geld nicht 
kan geholden vnde ik wil juw dar wol rekenschop van 
dun wen God gift dat ik by juw kome, Vnd wetet 
dat ik den juwen hijr gesecht hebbe vnde gebeden, 
wer dar mer den enen knecht hedde dat he em or- 
IofF geue dat he wedder in Pruszen segelen mochte 
wente wy wol vijftig knechte hyr hebben, vnde de van 
Lubek vnde de van dem Sunde hebben nicht den .x. 
Des menen etlike lüde wol dat ze erer knechte nicht 
mogen enberen, wo gi dat hebben willen dat wil ik 
gerne na dun . Vnde dyt slot is allenthaluen Iak vnde 
vngebuwet vnde wetet dat her Sten Bentson vnd her 
Thure sin broder den de koniginne Swedens heft be~ 
uolen hadde wy hijr geleidet de weren van vns be- 
gerende vnde van der stad dat de borgere de her vor- 
males vt der stad geweken weren van der bursprake 
wegen, wente de rad kundegen Ieet wer nicht by der