Vita. 
Natus sum Henricus Arbs a. d. XV Kal. Octobris a. 
1881 Rendesburgae, in oppido Holsatiae ad Eidoram flumen 
sito, patre Henrico, matre Augusta e gente Tbielemann. 
Fidem profiteor evangelicam. A. 1891 discipulus gymnasii 
Rendesburgensis factus sum. Vere a. 1902 maturitatis testimonio 
instructus Kiliam me contuli philologis studiis operam daturus. 
Aestate a. 1903 Monachii versatus artibus magis studui quam 
litteris. Unde Venetiam profectus sum. In patriam reversus 
adhuc Kiliae philologis studiis operam dedi. Vere a. 1904 
egregia erga me benevolentia Sud hau si i et Wendlandii factum 
est, ut in seminarium philologorum Kiloniense reciperer, cuius 
sodalis ordinarius per quater sex menses fui. Antea sodalis 
proseminarii per ter sex menses fui. 
Docuerunt me viri doctissimi; 
Milchhoferf, Noack, Schone, Sudhaus, Wendland, 
Deussen, Martius, Daenell, Rodenberg, Volquardsen, 
Baumgarten, Berger, Schaeder, Wolff Kilonienses. 
Monachii: Crusius, Friedrich, Preuss, Weymann. 
Praeterea Kiliae interfui exercitationibus archaeologicis 
Noacki, historicis Rodenbergi, Volquardseni, philo 
sophis Deusseni. 
Omnibus praeceptoribus gratias ago quam maximas, prae 
ceteris Sudhausio et Wendlandio, quorum opera et con 
silio veteres auctores legere et intelligere didici. Wend- 
laudius mihi suasit, ut huic Platonis dialogo operam darem, 
et benigne„mpuseulo meo favit.